कञ्चनपुर, १६ भदौ । कञ्चनपुरको शुक्लाफाँटा नगरपालिका– १ बन्साहामा १२ करोड ८१ लाखको लागतमा खानेपानी आयोजना निर्माण हुने भएको छ ।
उक्त अयोजना जिल्ला खानेपानी तथा सरसफाइ डिभिजन कार्यालय कञ्चनपुरको सहकार्यमा निर्माण हुने भएको हो । नगरपालिकाको वडा नं १ र २ का झण्डै एक हजार घरघुरीका बासिन्दा लाभान्वित हुने गरी आयोजना निर्माणको कार्य हुने वडाध्यक्ष हरिश बिष्टले बताए ।
आयोजना निर्माणको कार्यलाई अगाडि बढाउनका लागि सुवर्ण बिष्टको अध्यक्षमा नौ सदस्यीय बन्साहा खानेपानी तथा सरसफाइ उपभोक्ता समितिसमेत गठन गरिएको छ । आयोजना निर्माण भएपछि वर्षौंदेखि ह्याण्ड पम्पको पानी पिउँदै आएका बासिन्दाले शुद्ध पिउने पानी पाउने भएका छन् ।
रासस
प्रतिक्रिया ०
यो समाचारबारे तपाईंको धारणा लेख्नुहोस्। सभ्य र सम्मानजनक भाषा प्रयोग गर्नुहोस्।
अहिलेसम्म प्रतिक्रिया आएको छैन। पहिलो प्रतिक्रिया तपाईंको होस्।