Logo

स्थानीय निर्वाचनका कारण पर्साकाे बेल्वा बालमैत्री घोषणा हुन ढिलाई



 

स्थानीय खबर संवाददाता । पर्साको तत्कालिन बेल्वा गाविसलाई बालमैत्री घोषणा गर्न सबै तयारी पुगे पनि स्थानीय निर्वाचनका कारण पछि धकेलिएको छ । प्रदेश नम्बर २ मा पर्ने पर्सामा आगामी असोज २ गते निर्वाचन हुनेछ ।

“बालमैत्री स्थानीय शासनका सबै सूच्क पुरा गरिसकेका छौं,” जिल्ला समन्वय समिति पर्साका बालमैत्री स्थानीय शासन फोकल सम्पर्क व्यक्ति शम्भु कुशवाहले भने । उनका अनुसार घोषणाका लागि भदौ २९ को समयसीमा तोकिए पनि पौषसम्ममा बालमैत्री घोषणा गरिने छ ।

तत्कालीन बेल्वा गाविस स्थानीय तहको पुनर्संरचना पछि बेल्वा गाउँपालिकाको ७ र ४ नं. वडामा परेको छ । सिङ्गै गाउँपालिका नभए पनि अब वडालाई बालमैत्री घोषणा गरिने कुशवाहले बताए ।

मीरेष्ट नेपालको आयोजनामा बालमैत्री स्थानीय शासन र बालभेला नामक बृत्तचित्र प्रदर्शनी तथा सरोकारवालासँगको छलफलक कार्यक्रममा युनिसेफ नेपालकी क्षेत्रीय प्रमूख अनिता दहालले बेल्वा गाउँपालिका नमूना हुने बताईन् ।

कार्यक्रममा संयुक्त राष्ट्रसंघीय बालकोष (यूनिसेफ) का कार्यक्रम अधिकृत माधब बरालले खुला दिशामूक्त अभियान, बाल बिबाह जस्ता बिषयमा जनजागरण ल्याउन स्थानीय संघसंस्थाको महत्वपूर्ण योगदान रहेको बताए ।

कार्यक्रममा स्थानीय तहका कर्मचारी, वडा नागरिक मञ्चका पदाधिकारी, बाल कल्याणकारी समिति तथा शिक्षा र स्वास्थयका प्रतिनिधिहरूको उपस्थिति थियो ।

प्रतिक्रिया दिनुहोस्