स्थानीय खबर समाचारदाता
गोरखा १०, साउन
गोरखा नगरपालिका पनि बालमैत्री बनाइने भएको छ । गोरखा नगरपालिकाका नवनिर्वाचित प्रमूख राजनराज पन्तले मीरेष्ट नेपालले आयोजना गरेको बृत्तचित्र प्रदर्शनी तथा अन्तरक्रिया कार्यक्रममा यस्तो जानकारी दिएका हुन् ।
“गोरखा नगरपालिका बालमैत्री स्थानीय शासन उन्मूख छ,” पन्तले भने, “वालमैत्री स्थानीय शासनका धेरै सूचक हामीले पुरा गरी सकेका छौं । बाँकी काम पनि यो आर्थिक बर्षमा पुरा गर्छौं ।” उनले नगरका बिद्यालयको शैक्षिक गुणस्तर भने चुनौतिपूर्ण रहेको बताए । बालमैत्री शासनका लागि नगरसभाले बालमैत्री नगरको नीतिगत निर्णय गरिसकिएकाले यो सन्देश अरू स्थानीय तहमा पु¥याउने पन्तले बताए ।
गोरखा नगरपालिकाकी उपप्रमुख प्रमूख विनाकुमारी श्रेष्ठले गोरखालाई बालमैत्री नगरपालिका बनाउन धेरै चुनौति भए पनि बाल अधिकार संरक्षणमा सबै सदस्यहरूको सामुहिक प्रतिबद्धता रहेको जानकारी दिएकी छन् ।
गोरखा जिल्ला समन्वय समितिका स्थानीय विकास अधिकारी नारायण आचार्यले बालमैत्री स्थानीय शासन बालबालिकालाई सामाजिकीकरण गर्ने प्रक्रिया भएकाले समुदायको सचेतनाले यसलाई सार्थक परिणाम दिने बताए । जिल्ला शिक्षा अधिकारी दीपेन्द्र सुबेदीले जिल्लामा बिद्यालय पुननिर्माण कार्य जारी रहेको यसमा ४ सय ४३ बिद्यालय भत्किएकोमा २ सय ५ बिद्यालयको पुननिर्माण गरि सकिएको बताए ।
महिला विकास अधिकृत सुशिला वाग्लेले बाल अधिकारको कुरा गर्दा बाल सहभागिता महत्वपूर्ण बिषय भएकाले बाल संबेदनशील सरकार आवश्यक पर्ने बताइन् । मीरेष्ट नेपालका महासचिव कुमार यात्रुको अध्यक्षामा भएको कार्यक्रममा युनिसेफ नेपालको सहयोगमा मीरेष्ट नेपालले निर्माण गरेको बाल भेला र बालमैत्री स्थानीय शासन सम्बन्धी बृत्तचित्र प्रदर्शन गरिएको थियो ।
बालमैत्री स्थानीय शासनयसक्त स्थानीय तह बन्नका लागि सरकारले तोकेको ३९ सूचक पुरा गरेको हुनु पर्छ । खास गरेर बाल श्रम, बाल बिबाह र गुणस्तरीय शिक्षा जस्ता बिषयमा सुधार भएमा गोरखा नगरपालिका बालमैत्री हुन सक्ने स्थानीय अभियन्ताहरुको भनाई छ ।
देउराली पनि बालमैत्री वडा
यस अघि गोरख नगरपालिकाकै वडा नम्बर १३ र १४ मा आयोजित संयुक्त कार्यक्रममा संबोधन गर्दै १३ नम्बर वडाका वडा अध्यक्ष हरी बहादुर खनाल, र १४ नम्बर वडाका वडा अध्यक्ष राम बहादुर खड्काले केही सूचक पुरा गरेपछि वडालाई बालमैत्री घोषणाको तयारी गर्ने बताएका छन् । स्थानीय बाल सन्जालकी अध्यक्ष राधा परियारले बालभेलालेबाल श्रम, बाल बिबाह बिरुद्ध कार्यक्रमको खाँचो औलाएको बताइन् ।
प्रतिक्रिया