सामाजिक सुरक्षा भत्ताका लागी ३६ अर्ब
सरकारले आगामी आर्थिक बर्षका लागी सामाजिक सुरक्षा भत्तावापत ३६ अर्ब रुपैयाँ विनियोजन गरेको छ ।
अर्थमन्त्री कृष्णबहादुर महराले बजेट पेस गर्दै बृद्धबृद्धा, अपाङ्ग, एकल महिला, लोपोन्मुख आदिवासी जनजातिका लागी विनियोजन गरेको घोषणा गरेका छन् ।
चालू आवमा सरकारले ३२ अर्ब रुपैयाँ विनियोजन गरेको छ । ७० बर्ष पुगेका सबै बृद्धबृद्धा, दलित वालवालिका, ६० बर्ष पुगेका कर्णाली दलित, सबै उमेर समुहका एकल महिला, अपाङ्गलगायतले भत्ता पाउँदै आएका छन् । केन्द्रीय पञ्जिकरण विभागका अनुसार मुलुकभर भत्ता पाउने नागरिकको संख्या २२ लाखभन्दा बढी छन् ।