असोज ९, बनियानी– झापा । कनकाई नगरपालिकामा करीब १६ करोडको लागतमा खानेपानी आयोजनाको शिलान्यास गरिएको छ ।
कनकाई नगरपालिका–२ जामुनबारीमा ‘जामुनखाडी प्रजापति कनकाई खानेपानी आयोजना’को सोमबार प्रतिनिधिसभाका सांसद एलपी साँबा लिम्बू र प्रदेशसभा सदस्य हिराकुमार थापाले संयुक्त रुपमा शिलान्यास गरे ।
कनकाई नगरपालिका १ र २ वडाका बासिन्दालाई लक्ष्य गरी सो आयोजना निर्माण थालिएको हो । खानेपानी तथा सरसफाइ मन्त्रालयबाट प्राप्त १३ करोड ७५ लाख तथा उपभोक्ताबाट सङ्कलित दुई करोडको लागतमा बन्न लागेको सो आयोजना चार वर्षभित्र पुरा गरिनेछ ।
अहिले यहाँका बासिन्दा इनार र ट्युबवेलको आर्सेनिकयुक्त पानी पिउन बाध्य छन् । आयोजना निर्माण सम्पन्न भए कनकाई १ र २ का दुई हजार घरधुरीका १२ हजार बासिन्दा लाभान्वित हुने उपभोक्ता समितिका सचिव निर्मल खनालले बताए ।
रासस
प्रतिक्रिया ०
यो समाचारबारे तपाईंको धारणा लेख्नुहोस्। सभ्य र सम्मानजनक भाषा प्रयोग गर्नुहोस्।
अहिलेसम्म प्रतिक्रिया आएको छैन। पहिलो प्रतिक्रिया तपाईंको होस्।