बाजेको सेकुवा अब न्युयोर्कमा

नेपालमा लोकप्रिय बाजेको सेकुवाले अमेरिकाको न्यूयोर्कमा शाखा खोल्ने भएको छ । बाजेको सेकुवाका अध्यक्ष चेतन भण्डारीले न्युयोर्कमा रहेका नेपाली व्यवसायिक समुह फ्रेञ्चाइजसँग शाखा स्थापना गर्न सम्झौता पत्रमा हस्ताक्षर गरेका छन् ।

फ्रेञ्चाइजमा दीपक भण्डारी, पदम गुरुङ्ग, सुरेन्द्र रायमाझी, केदार प्रसाद श्रेष्ठ, मेहेश बहादुर भट्टराई र गणेश लम्साल छन् । अहिले नेपालमा १३ वटा शाखा रहेको बाजेको सेकुवाको अन्तराष्ट्रिय स्तरमा यो पहिलो शाखा हुनेछ ।

आउँदो ६ वर्ष भित्र अमेरिकामा थप ७ वटा शाखाहरु खोल्ने लक्ष्य राखेको छ । अमेरिका बाहेक कतार, बेलायत र अष्ट्रेलियामा पनि आफ्नो शाखा विस्तार गर्ने उद्धेश्य राखेको छ ।