१६ चैत्र २०८०, शुक्रबार | Fri Mar 29 2024

मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

तुलसीपुर उपमहानगरपालिकामा जमीन बाँझो राख्न नपाइने



 

१७ असार, तुलसीपुर– दाङ । तुलसीपुर उपमहानगरपालिकाले आफ्नो इलाका भित्र आगामी साउन महिनादेखि कुनै पनि जमीन बाँझो राख्न नपाइने नीति ल्याएको छ ।

उक्त उपमहानगरपालिकाका उपप्रमुख मायाँ आचार्यले वर्षमा एक बाली पनि खेती नगर्ने, फलफूल नरोप्ने वा जमीनमा कुनै पनि संरचना नबनाई बाँझो राख्नेलाई निरुत्साहित गर्न सो नीति ल्याइएको बताइन् ।

उनले भनिन्, “वर्षमा एक बालीसमेत नलगाउने बाँझो जमीन राख्नेलाई अतिरिक्त मालपोत शुल्क लगाइनेछ भने एक वर्षमा लगातार तीन बाली उत्पादन गर्ने कृषकलाई भने करमा छुट दिइनेछ ।” उपमहानगरपालिकाको सो नीति ल्याएपछि आफू निकै खुशी भएको वडा नं ६ रजौराकी सुशीला भट्टराईले बताइन् ।

उनले भनिन्, “अब वर्षौंदेखि बाँझो रहेका जग्गा पनि संरक्षण हुने र अनावश्यक रुपमा खेतीयोग्य जमीनमा प्लटिङ गर्नसमेत रोक लाग्नेछ ।” उक्त उपमहानगरपालिका ३८४ वर्गमिटर क्षेत्रफलमा फैलिएको छ भने यहाँ रहेका धेरै खेतीयोग्य जमीन वर्षौंदेखि बाँझै रहेका थिए ।
रासस

प्रकाशित मिति : १७ असार २०७५, आइतबार ००:००