बैतडी, २९ साउन । बैतडीको पुर्चौडी नगरपालिकाले ४५ करोड भन्दा बढीको बजेट सार्वजनिक गरेको छ ।
शुक्रबार नगरपालिकामा सम्पन्न नगर परिषद्मा ४५ करोड ४३ लाख सात हजार ५८६ को बजेट नगरप्रमुख रणबहादुर कुँवरले सार्वजनिक गरेका हुन् ।
चालूतर्फ पाँच करोड छ लाख ३६ हजार ५०० र पूँजीगततर्फ २२ करोड ८९ लाख ९० हजार ७९६ र विषयगततर्फ २२ करोड ८९ लाख ९० हजार विनियोजन गरेको छ ।
यस्तै, नगरकार्यपालिकाबाट नगरसभामा पेश हुने नीति तथा कार्यक्रम प्रस्तुत गरिएको छ । जसमा अनुसार नगरभित्रका सडक सञ्जाललाई प्राथमिकतामा राखिएको छ ।
नगरपालिकामा शिक्षा, स्वास्थ्य, सडकलगायतका विभिन्न विकास निर्माणका कार्यक्रम रहेका छन् ।
रासस
प्रतिक्रिया ०
यो समाचारबारे तपाईंको धारणा लेख्नुहोस्। सभ्य र सम्मानजनक भाषा प्रयोग गर्नुहोस्।
अहिलेसम्म प्रतिक्रिया आएको छैन। पहिलो प्रतिक्रिया तपाईंको होस्।