भोजपुर, २४ साउन । जिल्ला समन्वय समिति भोजपुरको निर्वाचन आगामी साउन २९ गतेका लागि तय भएको छ ।
एक प्रमुख, एक उपप्रमुख, तीन महिला र कम्तीमा एकजना दलित वा अल्पसंख्यकसहित ९ सदस्यीय जिल्ला समन्वय समितिको निर्वाचनका लागि मुख्य निर्वाचन अधिकृत प्रकाश श्रेष्ठले साउन २९ का लागि कार्यतालिका सार्वजनिक गरेका हुन् ।
सभापतिमा नेपाली कांग्रेसको तर्फबाट विश्वनाथ पराजुली, डम्बर श्रेष्ठ र नेकपा एमालेका तर्फबाट लक्ष्मण खड्का, सविना राईको नाम चर्चामा रहेको छ जसका लागि मनोनयन दर्ता २७ गते गर्नुपर्नेछ ।
निर्वाचनमा नगरपालिका र गाउँपालिका प्रमुख, उपप्रमुख १८ जनाले मतदान गर्न पाउने छन् । जिससका लागि मतदातामा नेकपा एमाले बाट नौ, नेपाली काग्रेसका पाँच र नेकपा माओवादी केन्द्रका चारजना रहेका छन् ।
स्थानीय तहको निर्वाचन सम्पन्न भएपछि बसेको जिल्ला सभाको पहिलो बैठकले भोजपुरमा नौ सदस्यीय जिल्ला समन्वय समिति गठन गर्ने निर्णय गरेको स्थानीय विकास अधिकारी सीता परियारले जानकारी दिइन् ।
रासस
प्रतिक्रिया ०
यो समाचारबारे तपाईंको धारणा लेख्नुहोस्। सभ्य र सम्मानजनक भाषा प्रयोग गर्नुहोस्।
अहिलेसम्म प्रतिक्रिया आएको छैन। पहिलो प्रतिक्रिया तपाईंको होस्।