Logo

विराटनगरको कार्यपालिकामा कांग्रेसको बहुमत




विराटनगर
। विराटनगर महानगरपालिकाको २९ सदस्यीय कार्यपालिकामा नेपाली कांग्रेसले स्पष्ट बहुमत प्राप्त गरेको छ । नगरसभाको सोमबार सम्पन्न निर्वाचनमा आफ्ना सात सदस्य निर्वाचित भएपछि कांग्रेसलाई स्पष्ट बहुमत पुगेको हो ।

कार्यपालिकाको गठनसम्बन्धी व्यवस्थाअनुसार महानगरपालिकाको प्रत्येक वडाबाट निर्वाचित पाँचजना सदस्यमध्येबाट कार्यपालिकाको सदस्यका लागि निर्वाचन गर्नुपर्ने हुन्छ ।

सो नगरकार्यपालिकामा कांग्रेसबाट १८, सङ्घीय समाजवादी फोरमबाट छ, नेकपा एमालेबाट तीन, माओवादी केन्द्र बाट दुईजना रहनेछन् । पाँच महिला पदका लागि ११ जनाले प्रतिस्पर्धा गरेकामा कांग्रेसबाट सात र माओवादी केन्द्रबाट एकजना विजयी भएका हुन् ।

निर्वाचित महिला सदस्यहरुमा कांग्रेसबाट सुशीला पोखरेल ५३ मत, कमला सुब्बा ५३, बिनादेवी धानुक ५२, शीला श्रेष्ठ ५२ र माओवादी केन्द्रबाट चम्पा खत्रीले ५२ मत प्राप्त गरी विजयी भएका छन् ।

त्यसैगरी, दलित र अल्पसंख्यकको तर्फबाट कांग्रेसका अरुण खेतान ५४, गायत्री दास ५४ र राजेश भुजेल ५१ मत प्राप्त गरी विजयी भएका छन् । महानगरपालिकाको सदस्यका लागि कांग्रेस र माओवादी केन्द्रबीच तालमेल भएको थियो । रासस

प्रतिक्रिया दिनुहोस्