भद्रपुर । असार १४ गते सम्पन्न स्थानीय निकाय दोस्रो चरणको निर्वाचनअन्तर्गत अर्जुनधारा नगरपालिकाको अन्तिम परिणाम आज (आइतबार) साँझमा आउने भएको छ ।
अहिलेसम्ममा २८ हजार ४६२ मतगणना भइसकेकामा नेकपा एमालेका तर्फबाट प्रमुख पदका उम्मेदवार हरिकुमार राणाले १३ हजार २५४ मत प्राप्त गरी अग्रता कायम गरेका छन् । त्यस्तै नेपाली कांग्रेसका हेमराज खरेलले नौ हजार १६६ मत प्राप्त गरेका छन् ।
यसैगरी उपप्रमुखमा एमालेकी उम्मेदवार कमला आचार्य (खतिवडा)ले १२ हजार २८२ तथा कांग्रेसकी सरस्वती सिटौलाले १० हजार ६२ मत प्राप्त गरेकी छन् ।
अर्जुनधारा नगरपालिकाबाहेक सबै गाउँपालिका र नगरपालिकाको मतपरिणाम आइसकेको छ । विवादका कारण चार दिन रोकिएको नगरपालिकाको मतगणना असार १७ गते बेलुकादेखि पुनः सुरु भएको निर्वाचन अधिकृत राधाकृष्ण खतिवडाले बताए । कुल ४० हजार ४३० मतदाता रहेको नगरपालिकामा ३० हजार ३७ मत खसेको थियो । रासस
प्रतिक्रिया ०
यो समाचारबारे तपाईंको धारणा लेख्नुहोस्। सभ्य र सम्मानजनक भाषा प्रयोग गर्नुहोस्।
अहिलेसम्म प्रतिक्रिया आएको छैन। पहिलो प्रतिक्रिया तपाईंको होस्।