भोजपुर । भोजपुर नगरपालिकामा नेपाली कांग्रेसका कैलाशकुमार आले ३६ मत अन्तरले विजयी भएका छन् । गए राति अबेर सम्पन्न मतगणनाको प्राप्त परिणामानुसार ४ हजार ७० मत प्राप्त गरी आले विजयी भएका हुन् । आलेका निकटतम प्रतिद्वन्द्वी एमालेका गणेश श्रेष्ठले ४ हजार ३४ मत ल्याएका छन् ।
त्यस्तै उपप्रमुखमा एमालेकी ममिता राई विजयी भएकी छन् । राईले ४ हजार सात सय ७३ मत ल्याएकी छन् भने उनका निकटतम प्रतिद्वन्द्वी कांग्रेसकी कृतिकुमारी कार्कीले ४ हजार ७०१ मत प्राप्त गरेकी छन् । अरुण गाउँपालिकामा कांग्रेसका गजेन्द्रबहादुर कार्की र उपप्रमुखमा कांग्रेसकै विनिता ढकाल विजयी भएका छन् । हतुवागढी गाउँपालिकामा एमालेका प्रेमकुमार राई विजयी भएका छन् ।
यस्तै ट्याम्के मयुङ गाउँपालिकामा एमालेका धुव्र राई र उपप्रमुखमा इन्द्रवती राई विजयी भएका छन् । आमचोक गाउँपालिकामा भने माओवादी केन्द्रका अशोक राई र उपप्रमुखमा सीता राई विजयी भएका छन् । भोजपुरमा ६६.३१ प्रतिशत मत खसेको थियोे । रासस
प्रतिक्रिया ०
यो समाचारबारे तपाईंको धारणा लेख्नुहोस्। सभ्य र सम्मानजनक भाषा प्रयोग गर्नुहोस्।
अहिलेसम्म प्रतिक्रिया आएको छैन। पहिलो प्रतिक्रिया तपाईंको होस्।