वैशाख ३१ गते हुने स्थानीय तहको निर्वाचनका लागि जिल्ला निर्वाचन कार्यालय काठमाडौँले मतदाता शिक्षा स्वयंसेवक खटाएको छ ।
मतदातालाई मतपत्रमा मतदान कसरी गर्ने भनेर सिकाउन स्वयंसेवक खटाएको जिल्ला निर्वाचन अधिकृत चन्द्र गौतमले जानकारी दिए । उनका अनुसार ७ सय ४२ स्वयंसेवक नमुना मतपत्रसहित मतदाता शिक्षा सिकाउन खटिएका हुन् ।
“हामीले एक निर्वाचन केन्द्रमा एक जना स्वयंसेवक खटाएका छौँ”, उनले भने, “वैशाख ३१ गतेसम्म मतदाताका घर–टोलमा गई उनीहरूले मतदान गर्न सिकाउनेछन् ।”
स्वयंसेवकलाई दुई दिनको तालिमपश्चात् मतदाता शिक्षाका लागि टोलटोलमा खटाइएको हो । स्वयंसेवक एक महानगरपालिका र १० नगरपालिकाका सबै वडामा पुग्नेछन् । काठमाडौँ जिल्लामा करिब ५ लाख ४७ हजार मतदाता रहेका छन् । रासस
प्रतिक्रिया ०
यो समाचारबारे तपाईंको धारणा लेख्नुहोस्। सभ्य र सम्मानजनक भाषा प्रयोग गर्नुहोस्।
अहिलेसम्म प्रतिक्रिया आएको छैन। पहिलो प्रतिक्रिया तपाईंको होस्।