रञ्जित तामाङ,
सरकारले नगर विकास कोषको अध्यक्षमा ठेकेदार ध्रुब रिजाललाई नियुक्ति गर्ने तयारी गरिरहेको छ । प्रधानमन्त्री कार्यालय स्रोतका अनुसार रिजाललाई अध्यक्ष नियुक्त गर्न नेपाली कांग्रेसबाट तीब्र दबाब आइरहेको छ ।
सहरी विकास मन्त्रालयको सचिव अध्यक्ष रहने व्यवस्था भएपनि कांग्रेसको दबाबमा सरकारले अध्यक्ष नियुक्त गर्न लागेको स्थानीय खबरलाई स्रोतले बतायो ।
“मन्त्री परिषद्को कार्यालयमा प्रस्ताव दर्ता भइसकेको छ । मन्त्री परिषद्बाट निर्णय गर्न दबाब आइरहेको छ,” उच्च स्रोतले भन्यो, “सहरी विकास मन्त्रालयको सचिव अध्यक्ष रहने व्यवस्थाविपरित नियुक्ति गर्ने कि नगर्ने भन्नेमा अन्योल छ ।”
कांग्रेसकाे पार्टी सभापति शेरबहादुर देउवाले नै दबाब दिइरहेकाे स्राेतले बतायाे । कोष नगरपालिकाहरूको पूर्वाधार निर्माणमा लगानी गर्ने निकाय हो ।
को हुन् ध्रुब रिजाल ?
नगर विकास कोषका अनुसार रिजाल ठेकेदार हुन् । कोषबाट गजुरी स्वास्थ्य केन्द्र र धादिङ जिल्ला अस्पतालको ठेक्का पाएका थिए । २ बर्षभित्र बनाइसक्नु पर्ने धादिङ जिल्ला अस्पतालको भवन ४ बर्षसम्म पनि नबनाए पछि कोषले रकम नै रोकेको थियो । कोषले कारवाही गर्ने चेतावनीसमेत दिएको थियो ।
प्रतिक्रिया ०
यो समाचारबारे तपाईंको धारणा लेख्नुहोस्। सभ्य र सम्मानजनक भाषा प्रयोग गर्नुहोस्।
अहिलेसम्म प्रतिक्रिया आएको छैन। पहिलो प्रतिक्रिया तपाईंको होस्।