मंसिर २, विराटनगर । नेकपा (एमाले) का अध्यक्ष केपी शर्मा ओलीले लोकतान्त्रिक अभ्यासलाई बिथोल्न वाम गठबन्धनको उम्मेदवारहरू माथि सांघातिक आक्रमण भइरहेको बताएका छन् ।
विराटनगर विमानस्थलमा शनिवार पत्रकारहरूसँग कुरा गर्दै उनले उम्मेदवारलाई सुरक्षित तथा निर्वाध निर्वाचनको कार्यक्रममा सहभागी हुन सरकारले सुरक्षाको व्यवस्था मिलाउनुपर्ने बताउनुभयो ।
मुलुकको विभिन्न स्थानमा वाम गठबन्धनका उम्मेदवारहरू माथि सांघातिक आक्रमण हुँदा सरकार मौन बसेको आरोप लगाए । साथै सरकार नै निर्वाचनको मिति सार्न लागिपरेको आरोप लगाए ।
एक प्रश्नको जवाफमा उनले सरकारले राज्यकोष दुरुपयोग गरी निर्वाचनलाई प्रभावित गरिरहेको र त्यसबारे निर्वाचन पछि गठन हुने आफ्नो सरकारले छानविन गर्ने बताए ।
उनले सरकारबाट निर्वाध रुपमा निर्वाचन आचारसंहिता उल्लंघन हुँदा पनि निर्वाचन आयोगले प्रभावकारी ढंगले अनुगमन कार्य नगरेको टिप्पणी गरे । रासस
प्रतिक्रिया ०
यो समाचारबारे तपाईंको धारणा लेख्नुहोस्। सभ्य र सम्मानजनक भाषा प्रयोग गर्नुहोस्।
अहिलेसम्म प्रतिक्रिया आएको छैन। पहिलो प्रतिक्रिया तपाईंको होस्।