गौशाला, ८ असोज । महोत्तरी जिल्लाको पिपरा गाउँपालिकाको अध्यक्ष र उपाध्यक्ष दुवै पदमा राष्ट्रिय जनता पार्टि नेपाल विजयी भएको छ ।
निर्वाचन अधिकृत युवराज महतका अनुसार पिपरा गाउँपालिकाको अध्यक्ष पदमा राजपा नेपालका विनोदकुमार चौधरी र उपाध्यक्ष पदमा सोही पार्टीकी ननुकुमारी दास विजयी भएकी छन् ।
पिपरा गाउँपालिकाको अध्यक्ष पदमा चौधरी दुई हजार ७७५ र उपाध्यक्ष पदमा ननुकुमारी दास दुई हजार ५७३ मत प्राप्त गरी विजयी भएको निर्वाचन अधिकृत महतले बताए ।
त्यस्तै उनीहरुका निकटतम प्रतिद्वन्द्वी अध्यक्ष पदमा नेकपा एमालेका विक्रम चौधरीले एक हजार ८७३ र उपाध्यक्ष पदमा रेखा देवी दासले दुई हजार १७ मत प्राप्त गरेका छन् ।
यो परिणामसंगै महोत्तरीको १५ मध्ये १४ स्थानीय तहको परिणाम आइसकेको छ भने राजपा नेपालले छ स्थानमा बिजय हासिल गर्दै पहिलो भएको छ ।
रासस
प्रतिक्रिया ०
यो समाचारबारे तपाईंको धारणा लेख्नुहोस्। सभ्य र सम्मानजनक भाषा प्रयोग गर्नुहोस्।
अहिलेसम्म प्रतिक्रिया आएको छैन। पहिलो प्रतिक्रिया तपाईंको होस्।