लहान, २२ भदौ । नेकपा माओवादी केन्द्रका नेता लिलामणि पोखरेलले नेपाली जनताले हासिल गरेको उपलब्धिलाई संस्थागत गर्न आफ्नो पार्टीले जित्नै पर्ने बताएका छन् ।
माओवादी केन्द्रले सिरहाको धनगढीमाई नगरपालिकामा आयोजना गरेको कार्यक्रममा नेता पोखरेलले स्थानीय तहको निर्वाचनमा आफ्नो पार्टीले जित हासिल गरे मुलुकमा विकास र समृद्धिले गति लिने दाबी समेत गरे ।
संघीयता, धर्मनिरपेक्षता, समावेशीता लगायतका उपलब्धिका मुद्दा बोकेर गाउँगाउँमा जान नेता कार्यकर्ताहरूलाई उनले निर्देशन समेत दिए ।
सो अवसरमा माओवादी केन्द्रका तर्फबाट धनगढीमाई नगरपालिकाको प्रमुख पदका उम्मेदवार हरिनारायण चौधरीले आफूले चुनाव जिते धनगढीमाई नगरपालिकालाई नमुना शहरको रुपमा विकास गर्ने प्रतिबद्धता व्यक्त गरे ।
रासस
प्रतिक्रिया