अर्घाखाँची । सन्धिखर्क नगरपालिकाका प्रमुख कमल प्रसाद भुसालले स्थानीय बासिन्दाको चाहना विपरीत नरपानीमा सञ्चालन गरिएको चुनढुंगा खानी बन्द गरिने बताएका छन् ।
रिपोर्टर्स क्लब नेपाल अर्घाखाँचीले आज (बिहिबार) आयोजना गरेको कार्यक्रममा बोल्दै नगरपालिकाका प्रमुख भुसालले नरपानीस्थित चुनढुंगा खानीलाई कुनै पनि हालतमा सञ्चालन गर्न नदिने बताए ।
चुत्राबेँशी बजार नजिक बागीखोलामा आकाशे पुल र सुपादेउराली मन्दिरमा केबलकारको व्यवस्था गरिने उनको भनाइ थियो । यस्तै नगर उपप्रमुख ठाकुरकुमार विकले कृषि उत्पादन हुने क्षेत्रमा माटो परीक्षण गरेर माटो सुहाउँदो खेतीमा जोड दिइने बताइन् । रासस
प्रतिक्रिया ०
यो समाचारबारे तपाईंको धारणा लेख्नुहोस्। सभ्य र सम्मानजनक भाषा प्रयोग गर्नुहोस्।
अहिलेसम्म प्रतिक्रिया आएको छैन। पहिलो प्रतिक्रिया तपाईंको होस्।