जुम्ला । सडक सञ्जालमा नजोडिएका तिला गाउँपालिकाका वासिन्दाले संघीय मामिला तथा स्थानीय विकास मन्त्रालयका सचिव केदारबहादुर अधिकारीसँग पक्की पुल निर्माण गर्न माग गरेका छन् ।
तिला गाउँपालिकामा पर्ने साविकको मालिकाठाँटा र घोडेमहादेव गाविसका स्थानीयवासीले सचिव अधिकारीसँग पुल निर्माण गर्न आग्रह गरेका हुन् ।
सिंहदरबारको अधिकार दैलोमा पुगेपनि यातायातको सुविधा पाउने अधिकारबाट आफूहरू वञ्चित भएको दुखेसो पोखेका थिए ।
तिला नदीमाथि पुल नबनेका कारण भारी बोक्न बाध्य भएको साविकको मालिकाठाँटा– ९ का स्थानीय शङ्करे बुढाले दुखेसो पोखे । “पुल नबन्दा हामी यातायात सेवाबाट बञ्चित छौँं,” बुढाले भने “पुलको अभावमा आकस्मिक रोगका कयौं बिरामीले बेलैमा उपचार नपाएर ज्यान गुमाउनु परिरहेको छ ।”
इमान्दार नेतृत्व नभएकाले पनि यस्ता थुप्रै समस्या भोग्नुपरिरहेको अर्का स्थानीयवासी गोर्खबहादुर बुढाले गुनासो गरे । “गाउँमा मन्त्रालयकै सचिव आईपुग्दा हामी खुशी छौं,” बुढाले भने, “यहाँको वास्तविकता देखेपछि पुल बन्ने आस पलाएको छ ।” रासस
प्रतिक्रिया ०
यो समाचारबारे तपाईंको धारणा लेख्नुहोस्। सभ्य र सम्मानजनक भाषा प्रयोग गर्नुहोस्।
अहिलेसम्म प्रतिक्रिया आएको छैन। पहिलो प्रतिक्रिया तपाईंको होस्।