११ जेष्ठ २०८१, शुक्रबार | Sat May 25 2024

मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

कल्भर्ट पुल निर्माण भए संगै बिद्यालय अावतजावत गर्न सहज



१७ पुस, बाबियाचौर– म्याग्दी ।
म्याग्दीको धौलागिरि गाउँपालिका ५ मल्कबाङ्गका बासिन्दाको पहलमा कल्भर्ट पुल निर्माण भएको छ । स्थानीय जनजागृति मावि नजिकै रहेको स्कुलको खोल्सामा कल्भर्ट पुल निर्माण भएको हो ।

स्थानीयवासीको सक्रियतामा सात मिटर लम्बाइ र डेढ मिटर चौडाइ भएको ढलान गरिएको पक्की कल्भर्ट पुल निर्माण भएको छ । मल्कबाङ्गका बासिन्दा र धौलागिरि गाउँपालिकाको आर्थिक सहयोगमा पुल निर्माण भएको कल्र्भट पुल निर्माण योजनाका अगुवा रविन्स छन्त्यालले जानकारी दिए ।

धौलागिरि गाउँपालिकाले एक लाख अनुदान उपलब्ध गराएको उक्त योजनाका लागि छन्त्यालले कतारमा रहँदा आर्थिक संकलन अभियान सञ्चालन गरेका थिए । उक्त अभियानबाट छ लाख जुटाइएको थियो । अभियानमा स्वदेशमै रहेका मल्कबाङ्गका बासिन्दा र विदेशमा देशका अन्य जिल्लावासीले समेत सहयोग गरेका थिए ।

हाल पोखरा निवासी भीमबहादुर छन्त्यालको परिवारले सबैभन्दा बढी ६० हजार सहयोग गरेका थिए । गत कात्तिक दोस्रो हप्तादेखि पुल निर्माण शुरु भएको थियो । कल्भर्ट पुल निर्माण भएपछि स्थानीयवासी, विद्यार्थी र शिक्षक शिक्षिकालाई आवतजावत गर्न सहज भएको छ । यसअघि बर्खायाममा बाढी आउँदा जोखिम मोलेर वारपार गर्नुपर्ने अवस्था थियो ।
रासस

प्रकाशित मिति : १७ पुस २०७४, सोमबार ००:००