असोज ९, रुकुम पश्चिम । रुकुम पश्चिमको चौरजहारी नगरपालिकाले प्राविधिक शिक्षाका लागि विद्यार्थीलाई सहयोग गर्ने भएको छ । नगरपालिकाले प्राविधिक शिक्षा अध्ययन गर्न चाहने विद्यार्थीलाई प्रतिविद्यार्थी ३ लाख देखि ४ लाख सम्म आर्थिक सहयोग गर्ने भएको हो ।
नगरपालिकामै आगामी मङ्सिरदेखि शुरु हुने प्राविधिक शिक्षा अन्तर्गत स्टाफ नर्स, स्वास्थ्य सहायक, फार्मेसी र ल्याब असिस्टेन्ट पढ्न चाहने विद्यार्थीलाई आर्थिक सहयोग गरिने नगर प्रमुख विशाल शर्माले बताए ।
उनका अनुसार नगरपालिकाले वर्षमा चारजना विद्यार्थीलाई आर्थिक सहयोग गर्ने नीति लिएको छ । नगरपालिकालाई आवश्यक जनशक्ति उत्पादनका लागि सहयोग गर्न लागिएको जनाइएको छ । ‘‘हामीलाई कुन विषयमा दक्ष जनशक्तिको आवश्यकता छ, सोही विषयमा विद्यार्थीलाई सहयोग गर्छौं’’ नगर प्रमुख विशाल शर्माले भने ।
नगरको लक्षित वर्गको बजेट तथा राजश्वबाट उठेको रकमबाट विद्यार्थीलाई प्राविधिक शिक्षाका लागि सहयोग गरिनेछ । आर्थिक अवस्था कमजोर भई आफूले चाहेको विषय पढ्न नपाएका विद्यार्थीका लागि यसबाट ठूलो राहात पुग्ने अपेक्षा गरिएको छ ।
रासस
प्रतिक्रिया ०
यो समाचारबारे तपाईंको धारणा लेख्नुहोस्। सभ्य र सम्मानजनक भाषा प्रयोग गर्नुहोस्।
अहिलेसम्म प्रतिक्रिया आएको छैन। पहिलो प्रतिक्रिया तपाईंको होस्।