७ मंसिर, चरिकोट– दोलखा ।
नेपाली कांग्रेसको आमसभालाई लक्षित गरी राखिएको सकेट बम आज (बिहिबार) नेपाली सेनाले निष्क्रिय पारेको छ ।
सदरमुकाम चरिकोटस्थित सातदोबाटो नजिकै भीमेश्वर नगरपालिका ६ को वडाकार्यालयको गटेमा राखिएको उक्त सकेट बम नेपाली सेनाको रणभीम गणको डिस्पोजल टोलीले निष्किृय पारेको हो ।
सकेट बम राखिएको स्थानमा कांग्रेसले आज आमसभाको आयोजना गरेको छ । उक्त आमसभालाई कांग्रेस केन्द्रीय सदस्य बालकृष्ण खाँडले सम्बोधन गर्ने कार्यक्रम छ ।
स्थानीयवासीले शंकास्पद वस्तु देखेपछि खबर गरेको प्रहरी नायब उपरीक्षक रामेश्वर कार्कीले बताए ।
रासस
प्रतिक्रिया ०
यो समाचारबारे तपाईंको धारणा लेख्नुहोस्। सभ्य र सम्मानजनक भाषा प्रयोग गर्नुहोस्।
अहिलेसम्म प्रतिक्रिया आएको छैन। पहिलो प्रतिक्रिया तपाईंको होस्।