२० कात्तिक, धनगढी । राष्ट्रिय मानव अधिकार आयोगको टोलीले आगामी मंसिर २१ गते हुने प्रतिनिधि र प्रदेशसभाको निर्वाचनका लागि भइरहेको तयारीका बारेमा कैलाली जिल्लामा अनुगमन निरीक्षण गरेको छ ।
अनुगमनका क्रममा जिल्ला प्रशासन कार्यालय कैलालीमा भएको बैठकमा आयोगका सदस्य सुदीप पाठकले स्वच्छ, निष्पक्ष तथा धाँधलीरहित निर्वाचन गराउन आचारसंहिता अक्षरशः पालना गर्ने गराउनेतर्फ ध्यान दिनुपर्ने बताए । उनले निर्वाचन गराउन समयमै सोसम्बन्धी उचित व्यवस्थापन पनि जरुरी रहेको बताए ।
बैठकमा मुख्य निर्वाचन अधिकृत विष्णुप्रसाद आर्यालले निर्वाचन स्वच्छ, निष्पक्ष र धाँधलीरहित बनाउने प्रतिबद्धता प्रकट गरे । बैठकमा प्रजिअ गोविन्दप्रसाद रिजालले निर्वाचनका बेला अपनाइएको सुरक्षा व्यवस्थापनबारे प्रकाश पारेको थियो । क्षेत्रीय निर्वाचन कार्यालयका प्रमुख मोहनप्रसाद आर्यालले मतदानस्थल र केन्द्रको व्यवस्थापन लगायतका विषयमा प्रकाश पारेका थिए ।
रासस
प्रतिक्रिया