Logo

राप्रपा प्रजातान्त्रिकका उम्मेदवार सिफारिस




दमक
, ३१ असोज । राष्ट्रिय प्रजातन्त्र पार्टी प्रजातान्त्रिकले झापाका सबै निर्वाचन क्षेत्रमा प्रदेश तथा प्रतिनिधिसभाका लागि उम्मेदवार तय गरेको छ ।

उम्मेदवार छनोट समितिका सदस्य जयबहादुर श्रेष्ठका अनुसार क्षेत्र नं १ देखि ५ सम्मका सबै निर्वाचन क्षेत्रमा पार्टीबाट प्रत्याशी सर्वसम्मत उम्मेदवारको नामावली केन्द्रमा सिफारिस गरेको छ ।

जिल्ला समितिको हालै सम्पन्न बैठकले दलबीच सहमतिबमोजिम गठबन्धन भएर निर्वाचनमा जानु परे प्रस्तावित नामावली फिर्तासंगै गठबन्धन भएर अघि बढ्नुपर्ने समेत निर्णय गरिएको पार्टीद्वारा जारी विज्ञप्तिमा जनाइएको छ ।

पार्टीले सार्वजनिक गरेको उम्मेदवारको सिफारिस अनुसार प्रतिनिधिसभा सदस्यतर्फ क्षेत्र नं १ मा घनश्याम लामिछाने, २ मा मनोजकुमार बोहोरा, ३ मा रोहितचन्द्रसिंह राजवंशी, ४ मा गजबहादुर भण्डारी र ५ मा जयबहादुर श्रेष्ठ रहेका छन् ।

यस्तै प्रदेशसभाका लागि प्रत्यक्षतर्फ क्षेत्र नं १ मा शिवकुमार चौहान, १ कै २ मा दीपेश राई, क्षेत्र नं २ मा लक्ष्मीप्रसाद ढकाल, २ कै २ मा भने ओमप्रकाश मिश्र, क्षेत्र नं ३ (१) मा धर्मेशचन्द्रसिंह राजवंशी, (२) मा देवेन्द्रराज कन्दङ्वा, क्षेत्र नं ४ को (१) मा इन्द्रबहादुर बस्नेत, २ मा चन्द्रबहादुर योङ्या र ५ को १ मा देवेन्द्रकुमार खड्का र (२) मा विष्णुबहादुर धिमाल उम्मेदवार बन्ने भएका छन् ।
रासस

प्रतिक्रिया दिनुहोस्