बैतडी, २५ असोज । बैतडीको दोगडाकेदार गाउँपालिका ४ का वडाध्यक्ष मानबहादुरको विष्टको मंगलबार मृत्यु भएको छ ।
वडाध्यक्ष विष्टलाई शुक्रबार एक्कासि ज्वरो अएको र उपचारका क्रममा भारतको बरेलीको एक अस्पतालमा मंगलबार मृत्यु भएको दोगडाकेदार गाउँपालिका ४ का वडासचिव प्रयागराज पन्तले बताए । उनले भने “शुक्रबार गाउँपालिकाको बैठकमै एक्कासि ज्वरो आएको थियो ।”
विष्टलाई योभन्दा अगाडि कुनै ठूलो रोग नरहेको र एक्कासि बिरामी भएर मृत्यु भएको हुँदा कुन रोगले मृत्यु भयो भन्ने जानकारी नआएको उनले बताए ।
दोगडाकेदार गाउँ कार्यपालिकाका प्रवक्तासमेत रहेका ५२ वर्षीय विष्टका श्रीमती र दुई छोरा रहेका छन् । विष्ट नेकपा एमाले बाट उम्मेदवार बनेर वडाध्यक्षमा विजयी भएका थिए ।
रासस
प्रतिक्रिया