२१ आश्विन २०७९, शुक्रबार | Fri Oct 7 2022

मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

आचारसंहिता नमान्नेलाई मत नदिनोस्ः आयुक्त पौडेल




पर्सा
, १९ भदौ । निर्वाचन आयुक्त ईश्वरीप्रसाद पौडेलले नेकपा एमालेका एक वरिष्ठ नेताले निर्वाचन आचारसंहिता उल्लङ्घन गरेको स्वीकार गरेको जानकारी दिएका छन् ।

वीरगञ्जमा चुनाव प्रचारका क्रममा आचारसंहिता उल्लङ्घन भयो भनेर आयोगले मागेको स्पष्टीकरणको जवाफमा ती नेताले गल्ती स्वीकारेर पत्र नै आयोगमा पठाएको पौडेलले बताए । जिल्ला निर्वाचन कार्यालय पर्साले सोमबार वीरगञ्जमा आयोजना गरेको पत्रकार सम्मेलनमा बोल्दै आयुक्त पौडेलले दलहरुकै सहमतिमा तयार भएको निर्वाचन आचार संहितालाई नमान्ने दलका उम्मेदवारलाई मत नदिन सर्वसाधारणसंग अपिल गरे ।

उनले भने “रक्सी, मासु खुवाएर रकमको भरमा निर्वाचन जित्न खोज्ने उम्मेदवार राष्ट्रका लागि घातक भाइरस हुन् । त्यस्ता उम्मेदवारलाई बहिष्कार गरे राष्ट्र निर्माणमा ठूलो टेवा पुग्नेछ ।” उनका अनुसार तेस्रो चरणको स्थानीय तह निर्वाचनमा आचारसंहिता उल्लङ्घन भए नभएको अनुगमन गर्न केन्द्रबाटै २ नम्बर प्रदेशको आठवटै जिल्लामा दुई जना विशेष प्रतिनिधि खटाइएको छ ।

यसैबीच, जिल्ला निर्वाचन कार्यालय पर्साले सोमबार वीरगञ्जमा आयोजना गरेको ‘राजनीतिक दल सम्बद्ध युवा नेतृत्वका लागि निर्वाचन व्यवस्थापन प्रशिक्षण’ कार्यक्रमको उद्घाटन सत्रलाई सम्बोधन गर्दै आयुक्त पौडेलले राजनीतिक दलमा आबद्ध रहेका युवालाई निर्वाचन अचारसहिंता र मतपत्रबारे जानकारी गराए शान्तिपूर्ण र भयरहित वातावरणमा निर्वाचन सम्पन्न गर्न मद्दत पुग्ने र बदर मतको संख्यासमेत कम हुने बताए ।

पर्साका निमित्त प्रमुख जिल्ला अधिकारी दुर्गादत्त पौडेलले तेस्रो चरणको स्थानीय तह निर्वाचनलाई शान्तिपूर्ण रुपमा सम्पन्न गर्न आउँदो भदौ २० गतेदेखि पर्सा जिल्लामा मदिराको बिक्री वितरणमा रोक लगाउने निर्णय गरिएको जानकारी दिए ।
रासस

प्रकाशित मिति : १९ भाद्र २०७४, सोमबार ००:००