एउटै चुनाव चिह्नबाट चुनाव लड्न मधेसवादी शक्तिसंग आह्वान

पर्सा, सङ्घीय समाजवादी फोरम नेपालका अध्यक्ष उपेन्द्र यादवले एउटै चुनाव चिन्हबाट चुनाव लड्न सबै मधेवादी शक्तिसँग आह्वान गरेका छन् ।

सङ्घीय समाजवादी फोरमद्वारा आइतबार आयोजित कार्यक्रमलाई सम्बोधन गर्दै उनले मधेस विरोधी शक्तिलाई पराजित गर्न सबै मधेसवादी शक्ति एक हुन आवश्यक रहेको बताए ।

अध्यक्ष यादवले लामो समयदेखि स्थानीय निर्वाचन नभएकाकारण स्वास्थ्य, शिक्षाको स्तर खस्किएको र भ्रष्टाचार मौलाउँदै गएकाले स्थानीय निर्वाचन सम्पन्न भएपछि भ्रष्टाचार अन्त्य हुने विश्वास व्यक्त गरे ।

कार्यक्रममा फोरम नेपालका उपाध्यक्ष लालबाबु राउत गद्दीले स्थानीय तह निर्वाचनमा फोरम नेपाल सहभागी भई मधेस मुद्धाबाट पछाडि नहटेको प्रस्ट पारे । रासस