Logo

कालीकोटको नरहरिनाथमा एमालेका विष्ट विजयी



कालीकोट, जिल्लाको नरहरिनाथ गाउँपालिकामा अध्यक्षका उम्मेदवार नेकपा एमालेका धिरबहादुर विष्ट विजयी भएका छन् । उनी दुई हजार ४६० मत ल्याई विजयी भएका हुन् भने उनका निकटतम प्रतिद्वन्द्वी नेपाली कांग्रेसका मीनबहादुर बोगटीले दुई हजार २३८ मत ल्याएका छन् ।

त्यसैगरी, उपाध्यक्षमा माओवादी केन्द्रकी उम्मेदवार मनशोभा बुढा विजयी भएकी छन् । उनले दुइ हजार २४९ मत ल्याई विजयी भएकी हुन् । उनको निकटतम प्रतिद्वन्द्वी नेकपा एमालेका सुनिता बुढाले दुई हजार ३८ मत ल्याएको बताइएको छ । नरहरिनाथ गाउँपालिकामा चारवटा वडामा नेकपा एमाले, तीनवटा वडामा माओवादी केन्द्र र दुईवटा वडामा नेपाली कांग्रेसले जित हासिल गरेको निर्वाचन अधिकृत प्रदीपराज अधिकारीले बताएका छन् ।

कालीकोट जिल्लामा दुई नगरपालिका (तिलागुफा र रास्कोट) सहित तीन गाउँपालिका (पचालझरना, सान्नित्रिवेणी र पलांता)मा माओवादी केन्द्रले जित हासिल गरेको छ भने खांडाचक्र नगरपालिकामा नेकपा एमालेले जित हासिल गरेको छ ।

महावै गाउँपालिकामा अध्यक्ष नेपाली कांग्रेस र उपाध्यक्षमा नेकपा एमालेले विजय हात पारेको छ भने नरहरिनाथ गाउँपालिकामा अध्यक्ष नेकपा एमाले र उपाध्यक्षमा माओवादी केन्द्रले जित हासिल गरेको छ । नरहरिनाथ गाउँपालिकाको नन्दादेवी मावि सेरापाटा मतदान केन्द्रमा पुनः भएको मतदानपछि माओवादी केन्द्रको प्यानलै विजयी भएको छ । रासस

प्रतिक्रिया दिनुहोस्