पोखरा–लेखनाथ महानगरको स्थगित मतगणना पुनः सुरु

पोखरा, गत शनिबारदेखि स्थगित पोखरा–लेखनाथ महानगरपालिकाको मतगणना सोमबार दिउँसोबाट पुनः सुरु भएको छ ।

वडा नं १७ बाहेकका १६, १८ र १९ वडाको मतगणना सुरु गरिएको क्षेत्रीय निर्वाचन अधिकारी गङ्गालाल सुवेदीले जानकारी दिए । सोमबार बिहान भएको सर्वदलीय बैठकले अन्य वडाको मतगणना कार्यलाई अगाडि बढाउने निर्णय गरेको थियो ।

विवादित १७ नं वडाको भने मुख्य निर्वाचन अधिकृतको कार्यालयले थप कागजपत्र देखाएपछि गणना सुरु गर्ने निर्णय भएको बताइएको छ । रासस