९ मंसिर २०७९, शुक्रबार | Fri Nov 25 2022

मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

खैरहनी विवाद प्रकरणः उन्नाइस घन्टापछि मतगणना सुरु



रत्ननगर (चितवन), पूर्वी चितवनको खैरहनीमा बिहीबारदेखि रोकिएको मतगणना शुक्रबार बिहान ११ बजेदेखि सुरु भएको छ । अर्धकट्टी अनुसार आएका मतपत्र गणना गर्ने दलबीच सहमतिपछि मतगणना सुरु भएको निर्वाचन अधिकृत टेकराज निरौलाले जानकारी दिए ।

मतदानको दिनमा मुचुल्का उठाएका बेलाको मतपत्रको सङ्ख्या र मतपेटिकामा हाल भएको सङ्ख्या नमिलेपछि यहाँ मतगणना बिहीबार ४ बजेदेखि रोकिएको थियो । सो विषयमा आयोगलाई जानकारी दिई अर्धकट्टी अनुसार मतगणना गर्ने सहमतिपछि गणना सुरु भएको हो ।

बिहीबारको छलफलमा निष्कर्ष ननिस्किएपछि शुक्रबार बिहान भएको छलफलले यस्तो सहमति गरेको उनको भनाइ छ । मुचुल्का भन्दा मतपेटिकामा १४ मत बढी देखिएपछि विवाद भएको थियो । मुचुल्का उठाएकोमा खैरहनी वडा नं– ७ मा एक हजार ५९४ मत खसेको भनेर उल्लेख छ । वडा नं– ७ को मतगणनाका क्रममा एक हजार ६०८ मतपत्र रहेको पाइएपछि कांग्रेसले पुनःमतगणनाको माग गरेको थियो । तर मतपेटिकामा भेटिएको मतपत्र र अर्धकट्टी भने बराबर भएको कार्यालयले जनाएको छ ।

मुचुल्कामा गल्ती भएको निरौला बताउछन् । अर्धकट्टी मिलेपछि त्यसैलाई आधार मानेर गणना गरिने उनको भनाइ छ । अहिलेसम्म भएको गणनामा खैरहनीमा ६ वटा वडामध्ये दुई वटा एमालेले जितेको र तीनवटा कांग्रेसले जितेको छ ।

खैरहनीमा पछिल्लो मतपरिणाम अनुसार प्रमुखमा एमालेको चार हजार ४२५ मत छ भने कांग्रेसको चार हजार २०२ र माओवादी केन्द्रको दुई हजार ८५ छ । यस्तै उपप्रमुखमा एमालेको चार हजार ३९३, कांग्रेसको चार हजार ४१८ माओवादी केन्द्रको एक हजार ७५८ मत रहेको छ । रासस

प्रकाशित मिति : ५ जेष्ठ २०७४, शुक्रबार ००:००