काठमाण्डौँ, काठमाण्डौँ महानगरपालिकाले चालु अर्थिक वर्षमा लक्ष्य भन्दा दोब्बर बढी विज्ञापन कर संकलन गरेको छ ।
चालु आर्थिक वर्षमा रु. एक करोड ५० लाख विज्ञापन कर असुल गर्ने लक्ष्य लिएको कामपाले यही बैशाख सात गतेसम्म रु. ५ करोड ७२ लाख ८३ हजार २२० राजस्व असुल गरिसकेको राजस्व महाशाखा प्रमुख धुव्र काफ्लेले बताए ।
उनका अनुसार कामपाले नियमविपरीत विभिन्न स्थानमा राखिएका विज्ञापनका होडिङबोर्डलाई कानुनको दायरमा ल्याउने र नियमबाहिर रहनेलाई कारबाही थालिएकाले लक्ष्य भन्दा निकै बढी कर संकलन भएको हो ।
सोही अनुसार राजस्व संकलन भएमा आलु आर्थिक वर्षको अन्तिम सम्ममा रु. ७ करोड सम्म विज्ञापन कर संकलन हुने अनुमान कामपाको छ ।
आर्थिक वर्ष २०७२–७३ मा सोही शिर्षकको करमा रु. चार करोड ३६ लाख ८ सय ४३ कर संकलन भएको थियो । रासस
प्रतिक्रिया