मङ्सिर ६, कञ्चनपुर । कञ्चनपुरको भीमदत्त नगरपालिका र नेपालका लागि इजरायली राजदूतावासबीच आपसी द्विपक्षीय सहयोग आदानप्रदान सम्बन्धी बुधबार छलफल भएको छ ।
नगरपालिका कार्यालयमा नगरप्रमुख सुरेन्द्र विष्ट र दूतावासका उपप्रमुख ताल सवरतसुमन बीच सहयोग आदानप्रदान र आपसीहितका बारेमा छलफल भएको हो ।
बैठकमा दूतावासका उपप्रमुख सवरतुमनले सन् २०१९ सम्म भीमदत्त नगरपालिकासित सम्बन्ध विस्तार गरिने प्रतिबद्धता जनाए । पश्चिमी सिमानाका गड्डाचौकी भएर नेपाल आउने इजरायली पर्यटकको सुरक्षा, कृषि क्षेत्र र नगरको विकासमा सहयोग गर्ने उनले जानकारी दिए । नगरप्रमुख विष्टले नगरपालिकाको पर्यटन क्षेत्र प्रवर्द्धनमा सहयोग गर्न आग्रह गरे ।
रासस
प्रतिक्रिया ०
यो समाचारबारे तपाईंको धारणा लेख्नुहोस्। सभ्य र सम्मानजनक भाषा प्रयोग गर्नुहोस्।
अहिलेसम्म प्रतिक्रिया आएको छैन। पहिलो प्रतिक्रिया तपाईंको होस्।