निर्वाचन दुई चरणमा गर्नाको कारणबारे परामर्श

काठमाडौँ, प्रधानमन्त्री पुष्पकमल दाहालले सबै राजनीतिक दललाई सहमतिमा ल्याउने प्रयास र स्थानीय तहको निर्वाचन दुई चरणमा गर्नु पर्नाको कारणबारे निर्वाचन आयोगका पदाधिकारीसंग अइतबार परामर्श गरेका छन् ।

सरकार र आन्दोलनरत मधेस केन्द्रित दलसंग शनिबार भएको सहमतिअनुसार केही प्रदेशमा दोस्रो चरणमा निर्वाचन गर्नुपर्ने भएकाले सो सम्बन्धमा आवश्यक तयारीका बारेमा छलफल गरेका हुन् । प्रधानमन्त्री र आयोग पदाधिकारीबीच अइतबार भएको छलफलमा दोस्रो चरणको निर्वाचन र त्यसको तयारीबारे आयुक्तहरु संग परामर्श गरेको प्रधानमन्त्रीको सचिवालयले जनाएको छ ।

शनिबार सरकार र संघीय गठबन्धनबीच भएको सहमति कार्यान्वयन गर्ने क्रममा प्रधानमन्त्रीले आयुक्तहरू संग परामर्श गरेका हुन् । परामर्शकै आधारमा आवश्यक निर्णय गरिने र सोही आधारमा आयोगलाई आग्रह गरिने बताइएको छ । रासस