घोराही सिमेन्ट उद्योगले स्थानीय तहलाई दियो, ५४ लाख

४ बैशाख, दाङ । घोराही सिमेन्ट उद्योगले यहाँका स्थानीय तहहरूलाई ५४ लाख १६ हजार रुपैयाँ सहयोग गरेको छ । उद्योगले शिक्षा, स्वास्थ्य, खानेपानी र सडकको क्षेत्रको विकासका लागि गाउँपालिका र वडालाई सो रकम सहयोग गरेको हो ।

उक्त उद्योगले बंगलाचुली गाउँपालिकालाई २८ लाख ६६ हजार रुपैयाँ, घोराही–४ लाई २५ लाख ५० हजार रुपैयाँ सहयोग गरेको छ । विकास निर्माणका लागि स्थानीयवासीले गाउँपालिका र वडा कार्यालयमार्फत सहयोगका लागि आग्रह गरेअनुसार उक्त सहयोग गरेको सिमेन्ट उद्योगका जनसम्पर्क अधिकृत अमर सुवेदीले बताए । रासस