Logo

साविकको २६८ गाविसमा अझै सडक पुगेन, अाफ्नै लक्ष्य पुरा गर्न सरकार असफल



स्थानीय खबर संवाददाता
काठमाडौं, ५ मंसिर

सरकारले दुई बर्षभित्र सबै गाविसमा मोटर बिस्तार गर्ने घोषणा गरेको थियो । तर घोषणा गरेको २ बर्ष नाघिसक्दा पनि साविकका २ सय ६८ गाविसमा सडक पुगेको छैन ।

गत बर्ष सरकारले नयाँ स्थानीय तह कार्यान्वयन गरेका कारण सडक नपुगेका साविकका ती गाविसहरू गाउँपलिकाका वडामा रुपान्तरण भइसकेको छ । भौगोलिक रुपमा अत्यन्तै ठूला कतिपय गाविसलाई टुक्र्याएर २ वटासम्म वडा वनाएका हुनले सडक नपुगेको वडाको संख्या अझ बढ्न सक्ने देखिएको छ ।

 खासगरि महाभारत पर्वत श्रृखंलामा पर्ने उच्च पहाडी र हिमाली जिल्लाहरूका वडाहरूलाई केन्द्रीय र जिल्ला सडक सञ्जालले छुन सकेको छैन ।

स्थानीय पूर्वाधार तथा कृषी सडक विभागका अनुसार २ बर्षअघि कच्चि सडक नपुगेको गाविसको संख्या ३ सय ६८ थियो ।

स्थानीय यातायत क्षेत्रगत कार्यक्रमका अनुसार सरकारले २ बर्षभित्र सबै गाविसमा सडक पु¥याउने घोषणा गरेको थियो । तर २ बर्षको अवधिमा करिब १ सय गाविसमा मात्रै सडक पुगेको छ ।

कार्यक्रमका संयोजक गंगाबहादुर बस्नेतका अनुसार बाँकी वडामा सडक पु¥याउन ४ सय ८५ किलोमिटर नयाँ ट्र्याक खोल्नु पर्नेछ ।

ट्र्याक खोल्नु पर्ने सडक आयोजनाको संख्या ३ सयको हाराहारीमा छ । यो बर्ष वडालाई सडक सञ्जालसँग जोड्ने आयोजनाहरूका लागी ४३ करोड रुपैयाँ विनियोजन भएको छ । यो बजेटले करिब ५० वटा वडाहरूसम्म मात्रै ट्र्याक खोल्न सकिन्छ ।

प्रतिक्रिया दिनुहोस्