५ मंसिर २०८३, शनिबार | Sat Nov 21 2026

मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

झापाको अर्जुनधारा नगरपालिकामा एमाले विजयी

लेखक स्थानीय खबर २६ असार २०७४, सोमबार २ मिनेट पढाइ


काँकडभिट्टा
(झापा) । झापाको अर्जुनधारा नगरपालिकाको प्रमुख र उपप्रमुख पदमा नेकपा एमाले विजयी भएको छ । एमालेका हरि राना १३ हजार ८७९ मत ल्याएर प्रमुखमा निर्वाचित भएका छन् भने उनका निकटतम प्रतिद्वन्द्वी नेपाली कांग्रेसका हेमराज खरेलले नौ हजार ६४१ मत प्राप्त गरे ।

त्यसैगरी, उपप्रमुखमा एमालेका कमला आचार्य १२ हजार ८३१ मत प्राप्त गरी विजयी भएकी छन् भने उनकी निकटतम प्रतिद्वन्द्वी नेपाली कांग्रेसकी उम्मेदवार सरस्वती सिटौलाले १० हजार ५७९ मत प्राप्त गरिन् । एघार वडा रहेको अर्जुनधारामा आठ वटामा एमाले विजयी भएको छ ।

एमालेबाट वडा नम्बर १ मा गजाधर खतिवडा एक हजार १७५, वडा नं २ मा रघुनाथ खनाल ९५७, वडा नं ४ मा दुर्गाप्रसाद दाहाल एक हजार ११८, वडा नं ५ मा ध्यानबहादुर भारती एक हजार १६४, वडा नं ६ मा लोकनाथ गौतम ७८८, वडा नं ९ मा पुष्पकुमार प्रसाईं एक हजार २२९, वडा नं १० मा बलदेवसिंह गोम्देन एक हजार १७८ र वडा नं ११ मा भैरवबहादुर खड्का एक हजार ४८९ मतसहित विजयी भएका छन् ।

बाँकी तीनवटा वडामा नेपाली कांग्रेस विजयी भएको छ । नेपाली कांग्रेसबाट वडा नं ३ मा जीवनकुमार भण्डारी एक हजार २२७, वडा नं ७ मा नवराम ढुङ्गाना ९४२ र वडा नं ८ मा गोपीचन्द्र गौतम ९७४ मतसहित विजयी हुनुभएको निर्वाचन अधिकृतको कार्यालयले जनाएको छ । झापामा यसअघि नै सबै गाउँपालिका र नगरपालिकाको परिणाम आइसकेको छ । रासस

प्रकाशित मिति : २६ असार २०७४, सोमबार

प्रतिक्रिया ०

यो समाचारबारे तपाईंको धारणा लेख्नुहोस्। सभ्य र सम्मानजनक भाषा प्रयोग गर्नुहोस्।

अहिलेसम्म प्रतिक्रिया आएको छैन। पहिलो प्रतिक्रिया तपाईंको होस्।

प्रतिक्रिया लेख्नुहोस्

तपाईंको इमेल प्रकाशित हुँदैन। प्रतिक्रिया सम्पादकको स्वीकृतिपछि देखिन्छ।