साउन १६, नेपालगन्ज । नेपालगन्ज उपमहानगरपालिका–१ धम्वोझीमा ज्येष्ठ नागरिकका लागि दिवा सेवाकेन्द्र सञ्चालन गरिएको छ ।
नेपालगन्ज उपमहानगरपालिकाको आर्थिक सहयोगमा स्वावलम्वी ज्येष्ठ नागरिक समाज नेपालले १५ लाख ३७ हजारको लागतमा उक्त सेवाकेन्द्रको भवन निर्माण गरेको हो ।
सबै ज्येष्ठ नागरिकलाई दिउँसो फुर्सदको समय बिताउन र मनोरञ्जन लिन सहज होस भनेर सेवाकेन्द्र सञ्चालन गरेको स्वावलम्वी ज्येष्ठ नागरिक समाज नेपालका अध्यक्ष नरबहादुर हमालले बताए ।
सेवाकेन्द्र भवनको नेपालगन्ज उपमहानगरपालिकाका प्रमुख डा धवलशमशेर राणाले उद्घाटन गरे । उपप्रमुख उमा थापामगर र वडाध्यक्ष प्रमोद रिजालले सेवाकेन्द्रमा ज्येष्ठ नागरिकका लागि मनोरञ्जनको विभिन्न सुविधा उपलब्ध गराइने बताए ।
रासस
प्रतिक्रिया ०
यो समाचारबारे तपाईंको धारणा लेख्नुहोस्। सभ्य र सम्मानजनक भाषा प्रयोग गर्नुहोस्।
अहिलेसम्म प्रतिक्रिया आएको छैन। पहिलो प्रतिक्रिया तपाईंको होस्।