७ मंसिर २०८३, सोमबार | Mon Nov 23 2026

मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

गाउँलेको लगानीमा आठ किमी सडक निर्माण

लेखक स्थानीय खबर ३१ चैत्र २०७३, बिहिबार १ मिनेट पढाइ

म्याग्दी । म्याग्दीको मङ्गला गाउँपालिका–५ बरन्जाको धापुङवासीले गाउँलेकै लगानीमा गाउँसम्म सडक सञ्जाल विस्तार गरेका छन् । बेनी–बरन्जा हुँदै झाँक्रेपानी जोड्ने सडकले आफ्नो गाउँलाई नछुने भएपछि महेश–धापुङवासीले सामूहिक लगानीमा गाउँमा मोटरबाटो पु¥याएका हुन् ।

महेश–धापुङका अगुवा प्रेम चोचाङ्गीले कतैबाट सहयोग नपाएपछि प्रतिघर ५ हजार रूपैयाँका दरले चन्दा उठाएर र श्रमदानसहित सडक विस्तार गरेको बताए ।

बरन्जाको दहबाट धापुङवासीले श्रमदान र सामूहिक लगानीमा आठ किलोमिटर सडक खनेर गाउँसम्म सडक पु¥याएका हुन् । बाटो खन्न गाउँका युवा राति २ बजेसम्म खटिएको र महिलाले उनीहरूलाई खाजा र खानाको व्यवस्था गरेको चोचाङ्गीले बताए ।

यातायात सञ्चालनमा आएपछि एक सय नौ घरधुरी लाभान्वित भएका छन् । सडक निर्माणमा कतार, साउदी अरब, मलेसियालगायत देशमा रहेका स्थानीयवासीले  ५ लाख रूपैयाँभन्दा बढी पनि सहयोग गरेको स्थानीय उमेश विकले बताए ।

गाउँसम्म सडक पुगेपछि आवत–जावत गर्न र स्थानीयस्तरमा उत्पादन हुने कृषि उपजको बजारीकरणमा सहज भएको स्थानीयवासी नरमामाया पुनले बताइन् । रासस

प्रकाशित मिति : ३१ चैत्र २०७३, बिहिबार

प्रतिक्रिया ०

यो समाचारबारे तपाईंको धारणा लेख्नुहोस्। सभ्य र सम्मानजनक भाषा प्रयोग गर्नुहोस्।

अहिलेसम्म प्रतिक्रिया आएको छैन। पहिलो प्रतिक्रिया तपाईंको होस्।

प्रतिक्रिया लेख्नुहोस्

तपाईंको इमेल प्रकाशित हुँदैन। प्रतिक्रिया सम्पादकको स्वीकृतिपछि देखिन्छ।