३ मंसिर २०८३, बिहिबार | Thu Nov 19 2026

मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

सोलार प्रविधिले खोलाको पानी गाउँमा

लेखक स्थानीय खबर ३० पुस २०७४, आइतबार २ मिनेट पढाइ

३० पुस, गुल्मी । गुल्मीको जिमी र नरम गाउँमा सोलार प्रविधिबाट पिउने पानी पु¥याइएको छ । खोला किनारमा रहेको पानी सोलार प्रविधिले डाँडामा रहेको गाउँमा पु¥याएपछि स्थानीयबासी हर्षित छन् । पानी पुगे पछि स्थानीयवासीले सिँचाइ सुविधासमेत पाएका छन् । सिँचाईले तरकारी खेति गर्न थाले पछि स्थानीयवासीले आम्दानीसमेत गर्न थालेका छन् ।

मुहान अभावले खानेपानीको चर्को समस्या भोग्दै आएका गुल्मी दरबार गाउँपालिका– ४ वीरबासको जिमी र छत्रकोट गाउँपालिका– ३ हर्दिनेटाको नरम गाउँका १ सय ६३ घरधुरीमा लाभान्वित भएका छन् । रिन्युएबल वर्ड, आइडिइ र सप्रोस नेपाल र नवप्रभात युवा संघको सामाजिक परिचालनमा गाउँमै खानेपानी पु¥याइएको हो । गाउँमा पुगेको खानेपानीलाई स्थानीयले मिटर प्रविधि जडान गरेर घरघरमै धारा निर्माण गरी वितरण गरेका छन् ।

खानेपानीको सुविधा लिने र सिँचाइ गरेर तरकारीसमेत उत्पादन गर्ने कल्पनासम्म नभएको वीरबासको जिमीकी माया रेश्मीले बताइन् । “यसरी घरघरमै पानीको धारा आउला भन्ने कल्पना पनि गरेका थिएनौं,” उनले भनिन्, “ “अहिले घरमै पानी आएपछि घरको सरसफाइदेखि स्कुल जाने केटाकेटीलाई समेत सजिलो भएको छ ।” यसअघि गाउँलेलाई एक गाग्री खानेपानी लिनकै लागि डेढ घण्टा टाढा पुग्नुपर्ने बाध्यता हटेको रेश्मीले बताइन् ।

वीरबासको बाहुन खोलाको पानी सोलार प्रविधिबाट ६१ मिटर उचाइमा दैनिक १० हजार लिटर पम्पिङ गरेर जिमी गाउँमा लगिएको छ । पानीलार्य जिमी गाउँका १४ घरधुरीमा र १६ हजार लिटर पानी जिमीकै ७१ घरधुरीमा सामुदायिक धारामार्पmत वितरण गरिएको छ । त्यस्तै छत्रकोटको हर्दिनेटामा पनि चनौटी खोलाको पानी २०७ मिटर उचाइमा दैनिक ३० हजार ५३० लिटर पानी पम्पिङ ७८ घरधुरी र एक विद्यालयमा एक घर एक धारा प्रणालीमा ७८ घरधुरीमा वितरण गरिएको रिन्युएबल वर्डका क्षेत्रीय परियोजना अधिकृत गंगाप्रसाद आचार्यले बताए ।

योजना व्यवस्थापनका लागि उपभोक्ता आफैँले समिति गठन गरेर योजना मर्मतका लागि प्रतिघर १ हजार रुपैयाँ र पानी खपत गरेका आधारमा थप रकम संकलन गर्ने गरी संरक्षण र व्यवस्थापन गर्दै आएका छन् । गाउँमा पानी पु¥याउन स्थानीय वडा, गाउँपालिका, परियोजना, स्थानीय जनश्रमदानसहित दुवै योजनामा झण्डै ९२ लाख रुपैयाँ खर्च भएको स्थानीय नवप्रभात युवा संघले जनाएको छ । रासस

प्रकाशित मिति : ३० पुस २०७४, आइतबार

प्रतिक्रिया ०

यो समाचारबारे तपाईंको धारणा लेख्नुहोस्। सभ्य र सम्मानजनक भाषा प्रयोग गर्नुहोस्।

अहिलेसम्म प्रतिक्रिया आएको छैन। पहिलो प्रतिक्रिया तपाईंको होस्।

प्रतिक्रिया लेख्नुहोस्

तपाईंको इमेल प्रकाशित हुँदैन। प्रतिक्रिया सम्पादकको स्वीकृतिपछि देखिन्छ।