३ मंसिर २०८३, बिहिबार | Thu Nov 19 2026

मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

बाह्रबिसे–ओमपार्क सडक कालाेपत्रे हुने भएपछी स्थानीय खुशी

लेखक स्थानीय खबर २३ पुस २०७४, आइतबार १ मिनेट पढाइ

२३ पुस, बाह्रबिसे– सिन्धुपाल्चोक ।
बाह्रबिसे ८ का ७२ वर्षीय रंगलाल तिमल्सेना गाउँमै कालोपत्रे सडक पुग्न लागेपछि खुशी मुद्रामा थिए । बाह्रबिसेबाट प्रत्येक दिन दुई घण्टा हिँडेर सामान ओसारपसार गर्दै आएका रंगलालले गाँउमै कालोपत्रे सडक पुग्न लागेपछि अब दुःखका दिन गए भन्दै रमाए ।

“बाटो नखुलेको बेला बाह्रबिसेबाट नुन, तेल, मरमसला बोकेर उकालो चढ्नुपर्थ्यो, आज कालोपत्रे सडकका लागि मन्त्रीज्यूले उद्घाटन गर्नुभयो,” उनले भने ।

यस्तै सोही गाउँकी ५० वर्षीय बच्चुदेवी तिमल्सेना पनि खुशी देखिइन् । “हाम्रा पालामा तीन घण्टा हिँडेर पढ्न जान परेको थियो, अब सडक आएपछि बसमा राखेर नातिनातिना पढाउन पाइने भयो,” उनले भनिन् ।

यसैगरी ठोट्नेका ४१ वर्षीय रामलाल विश्वकर्मा श्रमदान गरेर बाटोको डोरेटो खोलेर कालोपत्रे हुन लागेकोमा निकै हर्षित छन् । बाह्रबिसे–ओमपार्क सडकको शुक्रबार शिलान्यास गरेसंगै बाह्रबिसे, ठोट्ने, रातामाटे हुँदै ओमपार्क क्षेत्रका बासिन्दामा खुशीयाली छाएको छ । कुल १४।२ किलोमिटर लम्बाइको उक्त सडक ३३ करोड ३० लाखको लागतमा निर्माण हुन लागेको हो ।

निर्माणको जिम्मा पाएको जोइन्ट भेन्चर ९लुम्बिनी, बन्धक भगवती, ड्रागन० कम्पनीले निर्माणमा कुनै बाधा व्यवधान नआए तोकिएको समयभन्दा चाँडो निर्माण सम्पन्न गर्ने प्रतिबद्धता व्यक्त गरेपछि गाउँले झन खुशी भएका छन् ।

सोही क्षेत्रका निवर्तमान सांसद एवं सूचना तथा सञ्चारमन्त्री मोहनबहादुर बस्नेतको पहलमा उक्त सडकखण्डमा रकम विनियोजन गरिएको थियो ।
रासस

प्रकाशित मिति : २३ पुस २०७४, आइतबार

प्रतिक्रिया ०

यो समाचारबारे तपाईंको धारणा लेख्नुहोस्। सभ्य र सम्मानजनक भाषा प्रयोग गर्नुहोस्।

अहिलेसम्म प्रतिक्रिया आएको छैन। पहिलो प्रतिक्रिया तपाईंको होस्।

प्रतिक्रिया लेख्नुहोस्

तपाईंको इमेल प्रकाशित हुँदैन। प्रतिक्रिया सम्पादकको स्वीकृतिपछि देखिन्छ।