एमाले, माओवादी केन्द्र र नयाँ शक्तिको तालमेल घोषणा, निर्वाचनपछि एकताको उद्घोष

काठमाडौँ, १७ असोज एउटै कम्युनिष्ट पार्टी बनाउने संकल्पसहित नेकपा (एमाले), नेकपा (माओवादी केन्द्र) र नयाँ शक्ति नेपालबीच मंसिरमा हुने प्रतिनिधि सभा र प्रदेश सभाको निर्वाचनमा तालमेल गर्ने सहमतिको घोषणा भएको छ ।

काठमाडाैंमा अायाेजित पत्रकार सम्मेलनमा तीनै दलका अध्यक्षहरु क्रमशः केपी शर्मा ओली, पुष्पकमल दाहाल प्रचण्ड र डा बाबुराम भट्टराईले सहमतिपत्रमा हस्ताक्षर गर्नुभयो । मुलुकलाई समृद्धि र समाजवादतर्फ उन्मुख गराउन तथा राष्ट्रिय स्वाभिमान र स्वाधीनतालाई माथि उठाउन लक्ष्यसहित एकीकरणको अभियान शुरु भएको नेताहरुले उद्घोष गरेका छन् ।

चुनावी तालमेलको सहमतिअनुसार नयाँ शक्ति र अन्य आउन सक्ने देशभक्त प्रगतिशील शक्तिलाई दिएर बाँकी रहेको प्रत्यक्षतर्फको स्थानमा ६० प्रतिशत एमाले र ४० प्रतिशतमा माओवादी केन्द्रलाई बाँडफाँड गरिनेछ । सकेसम्म एउटै निर्वाचन चिह्नमा लड्ने र प्राविधिक समस्या भएमा आफ्नो निर्वाचन चिह्नमा तालमेल गरेर निर्वाचनमा जाने सहमति यी दलबीच भएको छ । साथै अागामी  निर्वाचनमा तीन वटै दलले एउटै घाेषणा पत्र जारी गर्ने पनि घाेषणा गरेका छन् ।

कार्यक्रममा बाेल्दै नयाँ शक्तिका संयाेजक भट्टराइले अागामी निर्वाचनमा दुइ तिहाइ मत ल्याउने र त्यसले प्रत्यक्ष कार्यकारी शासकीय व्यवस्थाकाे ढाेका खाेल्ने बताए । माअाेवादी केन्द्रका अध्यक्ष पुष्पकमल दहालले अाफूहरूकाे एकता कसैका बिरूद्द नभएकाे र मुलुक तथा जनताकाे समृद्दिका लागी भएकाे दाबी गरे । एमाले अध्यक्ष केपी शर्मा अाेलीले याे एकताले अागामी निर्वाचनमा दुइ तिहाइ ल्याउने र त्याे मतपरिणामले मुलुकलाइ समाजवादउन्मुख अर्थराजनीति तर्फ डाेहाेर्याउने दाबी गरे ।