१४ आश्विन २०७९, शुक्रबार | Sat Oct 1 2022

मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

२७७ स्थानीय तहको मतगणना सकियो, एमाले १२१, काँग्रेस १०५ माओवादी केन्द्र ३५ स्थानमा विजयी



काठमाडौँ । प्रदेश नं १, ५ र ७ मा असार १४ गते भएको निर्वाचनको हालसम्म २४ जिल्लामा २७७ स्थानीय तहको मतगणना सकिएको छ ।निर्वाचन आयोगको संयुक्त निर्वाचन सञ्चालन केन्द्रका अनुसार एमालेले १२१, काँग्रेसले १०५ माओवादी केन्द्रले ३५, संघीय समाजवादी फोरमले ६, नेपाल लोकतान्त्रिक फोरमले ५, राप्रपाले ३, राष्ट्रिय जनमोर्चाले २ र स्वतन्त्रले एक स्थानमा विजय हासिल गरेको छ ।

निर्वाचन आयोगको संयुक्त निर्वाचन सञ्चालन केन्द्रका अनुसार २७८ स्थानीयतहको निर्वाचनको अन्तिम मत परिणाम घोषणा भइसकेको औपचारिक रुपमा जानकारी आएको हो ।

निर्वाचन आयोगका अनुसार अब ११ जिल्लाका ५६ स्थानीय तहको अन्तिम मतपरिणाम आउन बाँकी छ । ३५ जिल्लाका ३ सय ३४ स्थानीय तहमा दोस्रो चरणको निर्वाचन यही असार १४ गते भएको थियो । पछिल्लो पटक कञ्चनपुर, उदयपुर, सुनसरी, मोरङ र झापाका एक/एक स्थानीय तहमा मतगणनाको क्रममा मत सङ्ख्या फरक परेका कारण मतगणना स्थगित गरेको केन्द्रले जनाएको छ ।

अरू स्थानीय तहमा भने धमाधम मतगणना भइरहेको छ । पछिल्लो चरणमा जस्तै दोस्रो चरणको निर्वाचनमा अधिकांश स्थानमा एमाले र कांग्रेसबीच प्रतिस्पर्धा देखिएको छ । रासस

प्रकाशित मिति : २० असार २०७४, मंगलबार ००:००