ललितपुर, ललितपुर महानगरपालिकामा प्रमुख र उपप्रमुख दुवै पदमा नेपाली कांग्रेसका उम्मेदबारले विजय हासिल गरेका छन् ।
नेपाली कांग्रेसका नगरप्रमुख पदका उम्मेदवार चिरीबाबु महर्जन २४ हजार ६४२ मतका साथ प्रमुख पदमा विजयी भएको मुख्य निर्वाचन अधिकृत बालकृष्ण दवाडीले जानकारी दिए ।
महर्जनले उनका निकटतम प्रतिद्वन्द्वी नेकपा एमालेका हरिकृष्ण ब्यञ्जनकारलाई ३२६ मत अन्तरले पछाडि पारेका छन् । प्रमुख पदका उम्मेदवार एमालेका ब्यञ्जनकारले २४ हजार ३१६ मत प्राप्त गरेका थिए ।
त्यसैगरी, उपप्रमुख पदमा नेपाली कांग्रेसकी गीता सत्यालले १९ हजार ८१९ मत प्राप्त गरी विजयी भएकी छन् भने उनको निकटतम प्रतिद्वन्द्वी साझा पार्टीकी शोभा शाक्यलाई पाँच हजार ५७९ मतले पछाडि पारिन् । शाक्यले १४ हजार २४० मत प्राप्त गरेका छन् । महानगरको निर्वाचनमा एमाले र राप्रपाबीच गठबन्धन रहेको थियो । रासस
प्रतिक्रिया