८ जेष्ठ २०८१, मंगलबार | Wed May 22 2024

मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

नेपालको स्थानीय तहले पाएको अधिकार विश्वमै उत्कृष्ट छ, उपयोग गरौँः मन्त्री ठगुन्ना



सौराह, चितवन । संघीय मामिला तथा सामान्य प्रशासन मन्त्री गणेशसिंह ठगुन्नाले स्थानीय तहलाई दिइएको संवैधानिक अधिकार विश्वमै उत्कृष्ट रहेको दाबी गरेका छन् ।

चितवनको सौराहमा बागमती प्रदेशका कार्यकारी अधिकृतहरूको भेलालाई संवोधन गर्दै मन्त्री ठगुन्नाले भने, “संवैधानले दिएको अधिकार हेर्ने हो भने, नेपाल विश्वमै उत्कृष्ट मुलुकमा पर्छ । संघीय व्यवस्था अपनाएका कयौँ देशमा स्थानीय तहलाई प्रदेशको मातहत राखिएको छ । यो हाम्रो लागी अवसर हो ।”

विकसित भनिएका देशहरूमा पनि स्थानीय तहलाई कानून बनाउने अधिकार नरहेको उहाँले उनले बताए ।

संघीयतामा गए पछि स्थानीय सरकारहरूको आर्थिक अवस्था बलियो भएको पनि उनले बताए । तर कतिपय स्थानीय तहमा सुशासनको समस्या र प्राप्त अधिकारको दुरुपयोगबारे उनले चिन्ता व्यक्त गरे ।

“२०५४ सालमा म दार्चुला जिविसको सभापति थिएँ । त्यसबेला जिविस र जिल्लाभरका सबै गाविसको बजेट मुस्किलले १ करोड रुपैयाँ हुन्थ्यो । अहिले एउटै पालिकाले कम्तिमा ६०/७० करोड रुपैयाँ बजेट परिचालन गर्दै आएका छन्,” उनले भने, “यो उपलब्धि संघीयताले गर्दा भएको हो । त्यसैले संघ, प्रदेश र स्थानीय सरकारबीचको समन्वय र सहकार्यले प्राप्त अधिकारको रक्षा गर्नुपर्छ ।”

मन्त्रालयका सचिव एकनारायण अर्यालले पनि स्थानीय सरकारहरूले सुशासनलाई जोड दिनु पर्ने बताए ।

अर्यालले भने, “अख्तियार दुरुपयोग अनुसन्धान आयोगमा पर्ने उजुरीमध्ये ३३ प्रतिशत स्थानीय तहको छ । यसले स्थानीय सरकारहरूमा आर्थिक सुशासनको अवस्था कमजोर रहेको देखाउँछ । त्यसैले सुशासनलाई कायम राख्न कुनै कसर बाँकी राख्न हुन्न ।”

प्रकाशित मिति : ३० माघ २०७७, शुक्रबार ००:००