भक्तपुर, मध्यपुरथिमि नगरपालिकाको प्रमुखमा नेकपा एमालेका मदनसुन्दर श्रेष्ठ र उपप्रमुखमा नेपाली कांग्रेसका अञ्जना मधिकर्मी विजय भएका छन् ।
भर्खरै सार्वजनिक भएको मतपरिणामअनुसार श्रेष्ठले १३ हजार ९६० मत प्राप्त गरी विजयी भएका छन् भने उनका निकटतम प्रतिद्वन्द्वी कांग्रेसका अष्ट कवेले १० हजार ८४६ मत प्राप्त गरेका छन् ।
त्यसैगरी उपप्रमुखमा मधिकर्मीले १० हजार ६७८ मत प्राप्त गरी विजयी भएकी छन् भने उनकी निकटतम प्रतिद्वन्द्वी नेमकिपाका केदार खड्काले सात हजार ७६२ मत प्राप्त गरेका छन् ।
यसैगरी मध्यपुरथिमि नगरपालिका वडा नं ९ को वडाध्यक्षमा कांग्रेसका रामकाजी चक्रधरले ६५० मत प्राप्त गरी विजयी भएका छन् भने उनका निकटतम प्रतिद्वन्द्वी नेमकिपाका राजु कैतीले ५९४ मत प्राप्त गरेका छन् ।
त्यसैगरी महिला सदस्यमा कांग्रेसकी मीरा खड्काले ६९२, दलित महिला सदस्य एमालेकी सुन्तली विश्वकर्माले ६९५, सदस्यहरु कांग्रेसका गोकुल खड्का ७२७ मत र कांग्रेसकै चन्द्रप्रसाद धौवञ्जारले ८२७ मत प्राप्त गरी विजयी भएका छन् । रासस
प्रतिक्रिया