Logo

धुलिखेल नगर प्रमुखमा एमाले विजयी



काभ्रे, काभ्रेपलाञ्चोक जिल्लाको धुलिखेल नगरपालिकाको नगर प्रमुखमा नेकपा एमाले का अशोक ब्याञ्जु ९श्रेष्ठ० सात हजार ९८१ मत ल्याई विजयी भएका छन् ।

उनका निकटतम प्रतिद्वन्द्वी नेपाली कांग्रेसका रमेशप्रसाद हुमागाईंले पाँच हजार ४०८ मत ल्याएका छन् ।

उपप्रमुखमा एमाले कै विमलाकुमारी चौलागाईं छ हजार ८२३ मत ल्याई विजयी भएकी छन् भने उनकी निकटतम प्रतिद्वन्द्वी कांग्रेसकी निर्मलाकुमारी चौलागाईंले चार हजार ९४० मत ल्याएकी छन् ।

उक्त नगरपालिकाको– ११ र १२ मा एमालेको पूरै समूह विजयी भएको छ । वडा नं ११ मा एमालेबाट विष्णु धितालले ९४१ मत ल्याई विजयी भए भने उनका निकटतम प्रतिद्वन्द्वी कांग्रेसका विनोदप्रसाद तिवारीले ५०५ मत ल्याएका छन् ।

त्यस्तै वडा नं १२ हर्कबहादुर तामाङले ६५१ मत ल्याई विजयी भएका छन् भने उनका निकटतम प्रतिद्वन्द्वी कांग्रेसका महेन्द्रबहादुर लामाले ६१६ मत ल्याएका छन् । रासस

प्रतिक्रिया दिनुहोस्