३१ जेष्ठ २०८१, बिहिबार | Fri Jun 14 2024

मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

कांग्रेस कार्यकर्तामाथि आक्रमण



दार्खा (धादिङ), धादिङको ज्वालामुखी गाउँपालिकामा नवनिर्वाचित गाउँपालिका अध्यक्ष विनोद तिमल्सिनालगायत नेपाली कांग्रेसका नेता कार्यकर्तामाथि गएराति साङ्घातिक आक्रमण भएको विरोधमा नेविसङ्घ धादिङले आइतबार जिल्ला बन्द गरेको छ ।

गाउँपालिकामा निर्वाचित भएपछि मैदीमा विजयोत्सव मनाएर शनिबार साँझ खाना खाइरहेका बेला नेकपा एमालेका कार्यकर्ताले घेरा हालेर अन्धाधुन्ध आक्रमण गर्दा गाउँपालिका अध्यक्ष विनोद तिमल्सिनालगायत स्थानीय दामोदर भट्ट, कांग्रेस जिल्ला सदस्य नरेन्द्र भट्ट, महासमिति सदस्य यमनाथ दनैलगायत कांग्रेसका एक दर्जनभन्दा कार्यकर्ता घाइते भएको विरोधमा नेविसङ्घ धादिङले अनिश्चितकालीन जिल्ला बन्द गरेको हो ।

बन्दका कारण जिल्लाभरका शैक्षिक संस्था बन्द छन् भने जिल्ला सदरमुकामका सबै उद्योगधन्दा, व्यापार व्यवसाय ठप्प भएको छ ।

पृथ्वी राजमार्गबाहेक अन्यत्र यातायात सञ्चालनमा आएका छैनन् । आइतबार १२ बजेसम्म दोषीलाई कारबाही नगरिए कांग्रेसले थप कार्यक्रम सार्वजनिक गर्ने नेपाली कांग्रेसका जिल्ला सभापति रमेश धमलाले बताए ।

बन्दमा अप्रिय घटना नहोस् भनी सदरमुकामका चोक चोकमा सुरक्षाकर्मीको बाक्लो उपस्थिति रहेको छ । रासस

प्रकाशित मिति : ७ जेष्ठ २०७४, आइतबार ००:००