धुलिखेल, काभ्रेपलाञ्चोक जिल्लाको बेथानचोक गाउँपालिकाको अध्यक्षमा नेपाली कांग्रेसका प्रेम तिमल्सिनाले ३८६८ मत प्राप्त गरी विजयी भएका छन् । उनका निकटतम प्रतिद्वन्द्वी नेकपा एमालेका प्रेम लामाले २७४१ मत प्राप्त गरेका छन् ।
उपाध्यक्षमा कांग्रेसकै सरिता लामिछाने लामा ले ३८५२ मत प्राप्त गरी विजयी हासिल गरेकी छन् । उनको निकटम प्रतिद्वन्द्वी एमालेकी उन्नती केसीले २८४१ मत प्राप्त गरेकी छन् ।
डाँडापारिको खानीखोला गाउँपालिकाको मतगणना कार्य सम्पन्न भएको जनाए पनि सञ्चारको पहुँच नभएका कारण प्राप्त मत परिणाम आउन बाँकी रहेको जिल्ला निर्वाचन कार्यालयले जनाएको छ ।
रोशी गाउँपालिकाको ५ नं– वडा सिसाखानीमा नेकपा माओवादी केन्द्रको समूह नै विजयी भएका छन् ।
माओवादीका तीर्थबहादुर लामाले २८४ मत प्राप्त गरेका छन् भने निकटतम प्रतिस्पर्धी नेपाली कांग्रेसका धावा लामाले २०९ मत प्राप्त गरेका छन् ।
माओवादीको तर्फबाट महिला सदस्य निशा लामा, दलित महिला सदस्य मैया विक, सदस्य लालसिं लामा र सञ्च लमिनी विजयी भएका छन् । रासस
प्रतिक्रिया