म्याग्दी (बेनी), वैशाख ३१ गते हुने स्थानीय तहको निर्वाचनका लागि मंगलवार भएको उम्मेदवारको मनोनयन दर्ता गर्ने क्रममा अन्य दलका उम्मेदवारले मनोनयन दर्ता नगरेपछि रघुगंगा र अन्नपूर्ण गाउँपालिकाका विभिन्न वडामा नेपाली कांग्रेसका १० उम्मेदवार निर्विरोध निर्वाचित भएका छन् ।
निर्विरोध निर्वाचित हुनेहरूमा रघुगंगा गाउँपालिका–४ को वडा अध्यक्षमा एकबहादुर गर्वुजा र सदस्यमा कृष्ण गर्बुजा, धनप्रसाद गर्वुजा, सविता पुन र सविता वर्देवा रहेको नेपाली कांग्रेस म्याग्दीले जनाएको छ ।
त्यसैगरी सोही गाउँपालिकाको वडा नं ७ कुइनेमंगलेमा तीनजना सदस्य, त्यसैगरी वडा नं ५ पाखापानीबाट एकजना महिला सदस्य र वडा नं १ बेगबाट एकजना दलित सदस्य गरी एक वडा अध्यक्षसहित १० जना सदस्यहरू निर्विरोध निर्वाचित भएको नेपाली कांग्रेस म्याग्दीका प्रचार विभाग प्रमुख अजयमिलन श्रेष्ठले जानकारी दिए । रासस
प्रतिक्रिया