चार करोड हिनामिना गरेको आरोपमा नगरपालिकाका लेखा अधिकृत पक्राउ

१२ वैशाख, गाईघाट– उदयपुर ।
कटारी नगरपालिकाका लेखा अधिकृत रवीनचन्द्र ढकाललाई ४ करोड रकम हिनामिना गरेको आरोपमा आज ९बुधबार० अख्तियार दुरुपयोग अनुसन्धान आयोगले पक्राउ गरेको छ ।

कटारी नगरपालिकाका प्रमुख ज्ञानेन्द्रकुमार श्रेष्ठका अनुसार ढकालले नगरपालिकाअन्तर्गत वितरण हुने सामाजिक सुरक्षा भत्ताका लागि विनियोजन भएको ४ करोड हिनामिना गरेको आरोपमा आजै साँझ अख्तियारको टोलीले पक्राउ गरेको हो ।

उनले भने, “सामाजिक सुरक्षा भत्ताको कोषमा रहेको ४ करोड हिनामिना भएको पाएँ । आफैंले अख्तियारलाई खबर गरेर भर्खरै पक्राउ गर्न लगाएको छु । अब सबै कुराको खोजी हुन्छ ।”

सामाजिक सुरक्षा भत्ताको ४ करोड राष्ट्रिय वाणिज्य बैंक, कटारीमा जम्मा भएको र उक्त रकम ढकालले कटारी नगरपालिकाका कार्यकारी अधिकृत पुण्यप्रसाद लुइँटेलको किर्ते सही गरेर काठमाडौंको थापाथलीस्थित राष्ट्रिय वाणिज्य बैंकबाट निकालेको खुलेको प्रमुख श्रेष्ठले बताए ।

बैंकको खातामा तीन दिनदेखि रकम नभएको र लेखा अधिकृत ढकाल समेत फरार रहिआएका थिए । आज ९बुधबार० काठमाडौंबाट ढकाललाई अख्तियारको सहयोगमा पक्राउ गरिएको हो ।
रासस